Informe 2
Escoitar para transformar: sistema educativo, exclusión social e éxito escolar en Galicia
Analizamos qué significa realmente o “éxito escolar”
A quen discrimina a escola?
As traxectorias do alumnado non son iguais: pasan por contextos sociais, familiares e económicos distintos, e isto condiciona as súas oportunidades e o seu futuro.
Moitas das dificultades que aparecen nas aulas non poden explicarse só desde o rendemento académico. Detrás delas adoitan estar situacións de vulnerabilidade, malestar emocional ou falta de apoio, que requiren unha resposta máis ampla e coordinada.
Este informe achega unha mirada desde dentro, recollendo experiencias e reflexións de profesionais que traballan directamente coa mocidade, poñendo o acento na necesidade de escoitar para comprender mellor o que está a suceder e onde está realmente o problema.
Ninguén pode aprender sen ter cubertas as súas necesidades básicas: a inestabilidade, a falta de descanso ou o malestar emocional son incompatibles cun proceso educativo sostido.
A falta de coordinación entre educación, sanidade, servizos sociais e terceiro sector é unha das principais limitacións do sistema educativo galego.
A rotación constante de profesionais rompe o vínculo educativo, un dos factores máis determinantes para a continuidade e o éxito escolar.
O sistema segue medindo o éxito principalmente con indicadores académicos, deixando fóra aspectos clave como o benestar emocional, a integración ou a autonomía.