PARA AS FAMILIAS

Apoiar a Todos os Xogadores

Animaremos e apoiaremos non só aos nosos propios fillos e fillas, senón tamén a todos os xogadores, recoñecendo y celebrando os seus esforzos e logros.

Respectar a Todas as Persoas Involucradas

Amosaremos respecto cara os árbitros, adestradores, xogadores e outros espectadores, recoñecendo o esforzo e dedicación de cada individuo.

Fomentar el Espíritu Deportivo

Promoveremos valores como el juego limpio, la honestidad y el respeto mutuo, enfatizando la importancia de disfrutar del deporte en un entorno amigable y respetuoso.

Educar na Importancia do Esforzo e a Resiliencia

Ensinaremos aos nosos fillos e fillas o valor do esforzo, a persistencia e a capacidade de superar os desafíos, animándoos a dar o mellor de si mesmos en cada partido.

Participar de Forma Activa e Construtiva

Involucrarémonos de maneira positiva no torneo, ofrecendo a nosa axuda e apoio cando sexa preciso, e contribuíndo a crear un ambiente inclusivo e acolledor para todos e todas.

Respectar as Decisións dos Adestradores e Árbitros

Aceptaremos as decisións tomadas polos adestradores e árbitros, recoñecendo a súa autoridade e experiencia no campo.

Fomentar a Amizade e o Compañeirismo

Promoveremos a amizade e o compañeirismo entre os xogadores, animando a traballar xuntos como equipo e a valorar a importancia do traballo en equipo.

Manter unha Comunicación Positiva

Manteremos unha comunicación aberta e positiva cos nosos fillos e fillas, os adestradores e outras familias, fomentando un ambiente de confianza e apoio mutuo.

Respectar as Instalacións e o Entorno

Coidaremos e respectaremos as instalacións onde se desenvolve o torneo, mantendo limpa a zona e evitando calquera comportamento que poida danar o entorno.

Ser Exemplos de Fair Play

Actuaremos como modelos a seguir para os nosos fillos e fillas, demostrando un comportamento exemplar en todo momento e promovendo a importancia do Fair Play dentro e fóra do campo.

XOGADORES E XOGADORAS

Xogar con Espírito Deportivo

Sempre xogaremos con deportividade, respectando aos nosos compañeiros de equipo, opoñentes, árbitros e adestradores.

Valorar o Esforzo

Recoñeceremos e celebraremos o esforzo e a dedicación, tanto de nós mesmos como dos nosos compañeiros e adversarios, independentemente do resultado.

Traballar en Equipo

Entenderemos a importancia de traballar xuntos como equipo, apoiando e animando aos nosos compañeiros en todo momento.

Respectar as Regras do Xogo

Coñeceremos e respectaremos as regras do xogo, xogando limpo e evitando comportamentos antideportivos.

Aceptar as Decisións

Aceptaremos as decisións dos árbitros e adestradores con respecto, sen discutir nin protestar.

Manter unha Actitude Positiva

Manteremos unha actitude positiva e optimista, incluso fronte á derrota, buscando sempre aprender e mellorar.

Resolver Conflitos de Forma Pacífica

Se xorde algún conflito, resolveremos de maneira pacífica e dialogando, sen recorrer á violencia física ou verbal.

Coidar do Entorno

Manteremos limpa a zona de xogo e respectaremos as instalacións onde se desenvolve o torneo.

Promover a Amizade e a Inclusión

Seremos amables e respectuosos con todos os participantes, promovendo a amizade e a inclusión no noso equipo e no torneo en xeral.

Divertirse e Gozar

Recordaremos que o máis importante é divertirse e gozar do xogo, independentemente do resultado final.

Manifesto #STOPODIO

Queremos vivir sen odio, sen que nos marquen por ser diferentes, pola cor da nosa pel, pola nosa sexualidade, pola nosa procedencia ou polas nosas capacidades. Vivir nun mundo que nos acepte, que nos integre, que nos coide e no que cada persoa se poida desenvolver plenamente, unha sociedade na que todas e todos aportemos o que poidamos, porque todas e todos podemos aportar se nos deixan. Ese é o noso desexo, o que nos move: borrar as desigualdades.

Queremos vivir nunha sociedade xusta na que nos tratemos con humanidade e respecto, para avanzar todo o mundo na mesma dirección. Facerlle fronte ás correntes que intentan dividirnos apelando ao medo, ao prexuizo e ao odio; atacando ás minorías, culpando dos problemas aos que veñen doutros países buscando unha vida mellor, discriminando ás mulleres, cuestionando os dereitos das persoas LGTBIQ+. A liberdade non é a lei do máis forte.

Os discursos de odio en forma de xenofobia, racismo, antisemitismo, islamofobia, odio anti-LGTBIQ+, misoxinia e outros tipos de intolerancias aumentan en todo o mundo, tamén nos nosos entornos máis próximos, tamén no noso día a día. Dentro e fóra das redes, dentro e fóra das aulas, nos estadios, nas oficinas, na rúa. O discurso de odio ataca ás persoas e deshumanízaas, pero non só provoca danos a niver persoal, tamén constitúe un ataque á inclusión, á diversidade e aos dereitos humanos. Destrúe as comunidades, o lugar común desde o que se lle pode facer fronte.

O odio é a pedra que atopamos no camiño da construcción, o odio ao diferente, ao descoñecido, o odio ao que non encaixa plenamente coas nosas conviccións, coas nosas cores ou espazos. Un odio irracional que nos separa. O odio destrúe as redes dende o máis profundo, estropea a cohesión, rompe familias, equipos, traballos, rompe a saúde e rompe, en definitiva, vidas.

Queremos vivir en comunidade, compartir e coñecer mellor á nosa veciña e veciño. Pechar os ollos antes as inxustizas xa non pode ser unha opción. Parar o odio é unha tarefa de todas e todos como sociedade. Debemos, nun primeiro lugar, entender cando estamos actuando dende discursos de odio aprendidos de forma consciente ou inconsciente. Construir un mundo que nos inclúa e nos represente a todas e todos.

Por iso, propoñemos unha serie de medidas que todas e todos, cada un de nós, temos á man. Que podes facer ti para combater os discursos de odio?

Detecta os discursos de odio e failles fronte: recoñecelos é o primeiro paso para contrarrestalos. Non ampares discursos de odio baixo o paraugas da liberdade de expresión. Non banalices situacións de odio ou discriminación pensando que é “unha broma ou un xogo de nenos”; o mellor é frealos canto antes. Non cales, actúa.

• Fomenta a empatía: trata de poñerte no lugar do outro e entender a súa perspectiva. Escoita aos demais, presta atención ao que teñen que dicir e amosa interese e respecto ás súas opinións.
• Evita a linguaxe ofensiva: non uses palabras ou expresións que poidan ofender ou denigrar a outras persoas. Aprende a comunicarte de maneira efectiva, cunha linguaxe clara e precisa para evitar malentendidos. As palabras son importantes.
• Fai un uso responsable das redes sociais. O anónimato moitas veces axuda a medrar os discursos de odio, a difundilos e a reproducilos. Que sexa a través dunha rede social non lle resta importancia á violencia.
• Participa na construción dunha sociedade máis inclusiva: traballa para contruir unha comunidade que promova a igualdade e a xustiza para todas as persoas. Cando todas xogamos en igualdade, pasámolo mellor, en todos os ámbitos da vida.

Este é un partido que, xogando en equipo, podemos gañar.
Se ti tamén queres formar parte do cambio, di #StopODIO.