“Que vivise nun centro non implica que sexa menos capaz”

Xavi é un dos miles de mozos tutelados que cada ano saltan á vida adulta sen respaldo familiar

Parte da sociedade aínda pensa que son persoas conflitivas ou menos capaces, só porque viviron en centros. Pero Xavi ten a súa propia fórmula para enfrontarse a estes prexuízos e seguir adiante.

Xavi viviu nun fogar de Igaxes ata que puido emanciparse cun traballo

Hoxe comparte piso en Vigo con outros rapaces e mantense grazas ao seu traballo como coidador de barrio. Cada día percorre as rúas do Casco Vello ou do Calvario á procura de desperfectos ou de obxectos perdidos. Ou ofrecéndose para darlles indicacións ás persoas que visitan a cidade.

Con todo, de entre todas as súas funcións, “a que máis me gusta é estar coas persoas maiores, conversar con elas e axudarlles a sentirse máis acompañadas”.

“O cubo de Rubik axúdame a organizar a miña vida”

Pero este traballo é temporal. E para saír adiante por si mesmo, Xavi sabe que seguirá necesitando todos os recursos e toda a fortaleza emocional que sexa quen de reunir.

Mesmo se esa fortaleza provén dun pequeno xogo portátil como o cubo de Rubik. Sempre leva un na mochila -ten moitos diferentes- porque resolvelo axúdalle a enfrontarse ao día a día.

Para Xavi este xogo é unha metáfora da vida, pero tamén unha resposta contra os prexuízos sociais. Contra o estigma inxusto que aínda mira as persoas tuteladas como conflitivas ou menos capaces. “Que vivise nun centro non significa que non teña capacidades; son un ser humano igual que todos”.

Máis de 3.000 nenas, nenos e adolescentes viven hoxe
tutelados en Galicia

E, nos últimos dez anos, máis de mil atoparon un fogar nas vivendas tuteladas de Igaxes. Alí puideron prepararse, como Xavi, para daren o salto á vida adulta coas maiores habilidades e autonomía posibles.

Pero outros moitos non teñen esta opción. E cando cumpren os 18 anos teñen que enfrontarse ao mundo en soidade. Sen familia nin apoios, están obrigados a resolver cada día o seu propio cubo de Rubik.

Cambia a súa vida

Únete a igaxes para cambiar a vida de miles de nenas, nenos e mozos.

Contigo podemos darlles a protección e a educación que necesitan. Xuntos faremos posible que sexan de maiores o que soñan ser.