Programa Mentor

Protección e oportunidades para a mocidade tutelada.

moza programa mentor
icon-testimonios

“O día que me emancipei estaba asustado. Non tiña un colchón no que caer se facía algo mal. Precisaba moita coraxe, pero tiña todo o que aprendera e a xente que mo ensinou estaba aí para axudarme.”

— Jose, 25 anos

Mentor é unha solución que reúne vivenda, manutención, formación e acceso ao emprego.

Mentor é o noso programa dedicado ás mozas e mozos que afrontan a recta final do seu paso polo sistema de protección de menores. A súa emancipación é un salto sen rede, dado que a maioría carecen de apoio familiar. Para afrontalo necesitan seguridade e confianza, pero tamén recursos e apoio constante.

Por iso Mentor é unha solución que reúne vivenda, manutención, formación e acceso ao emprego. Trátase de que todas as mozas e mozos poidan vivir nun ambiente seguro, alentador e autoxestionado. E que cadaquén poida sentirse parte dun grupo mentres se prepara para construír o futuro que quere para si.

7000

mozas e mozos recibiron apoio desde 2005

118

participantes accederon a un emprego en 2020

78

atoparon un fogar nos nosos pisos tutelados

Estamos pola igualdade de oportunidades

En Mentor temos implantadas todas as liñas de apoio á mocidade tutelada recomendadas pola Federación Jóvenes e Inclusión.

icono protección infantil

Protección ata os 25 anos

para que poidan emanciparse sen présas e con garantía de estabilidade.

icono participación

Autonomía persoal

para que poidan voar sen axuda e construír sen medos a súa vida.

icono integración

Integración na comunidade

para que poidan tecer vínculos co mundo e serlles de axuda a outras persoas.

icono programa referentes de igaxes

Persoas referentes

para que sempre teñan en quen confiar cando dean o salto á vida adulta.

Programa Mentor Protección e oportunidades para a mocidade tutelada.

Unha solución que cambia vidas

Levamos desenvolvendo o programa Mentor en Galicia desde 2005. Hoxe é unha solución referente no apoio á xuventude tanto no ámbito estatal como europeo.

Desde 2015 está catalogado como boa práctica da Unión Europea na categoría de políticas para a inclusión social da xuventude. É un programa auditado anualmente que financian o Fondo Social Europeo e a Xunta de Galicia. Vai á web