Igaxes traballa para que ningunha nena, neno ou persoa moza teña que renunciar ao seu futuro por mor da pobreza ou a exclusión social. Esta misión, que é a que nos move, aliña de forma natural a nosa labor cos Obxectivos de Desenvolvemento Sustentable (ODS)
Desde hai 25 anos, Igaxes traballa para que ningunha nena, neno ou persoa moza teña que renunciar ao seu futuro por mor da pobreza ou a exclusión social. Esta misión, que é a que nos move, aliña de forma natural a nosa labor cos Obxectivos de Desenvolvemento Sustentable (ODS) definidos pola ONU dentro da Axenda 2030.
A Axenda 2030 propón un novo modelo de progreso baseado no equilibrio entre o social, o económico e o ambiental. Ese equilibrio é tamén o eixo que guía a nosa intervención. Acompañamos ás persoas para que poidan desenvolver o seu proxecto de vida. Ao mesmo tempo, fortalecemos as comunidades e promovemos prácticas sostibles que coiden do planeta e das xeracións futuras. O noso proceso de aliñamento estratéxico cos ODS comezou fai un ano. Isto fixémolo guiados pola metodoloxía SDG Compass e coa participación de todas as áreas da organización.
O resultado deste traballo foi a identificación de once obxectivos prioritarios. Sete de eles xa formaban parte esencial da nosa misión. A nosa causa como entidade está directamente relacionada cos obxectivos 1,3,4,5,8,10 e 17; pero tan importantes como estes, son os ODS nos que non incidimos tan directamente.
Aliñamento cos ODS
Estamos traballando en promover hábitos e medidas de aforro, reducción de desperdicios, reciclaxe, transición das luminarias a opcións máis sostibles e a mellorar os sistemas de climatización de vivendas e oficinas, entre outras.
Queremos ser máis sostibles. Queremos educar en sostenibilidade reducindo a nosa pegada ecolóxica, mellorando a eficiencia enerxética dos nosos espazos e incorporando hábitos máis responsables no consumo e na xestión de recursos. Por iso, tamén comprometémonos cos ODS 7, 12, 13 e 18 porque sabemos que é necesario ser máis conscientes e traballar no respecto mediombiental.
Un paso cara a Axenda 2030: Estratexias para un mundo xusto e equilibrado
Todo este camiño responde a vontade de ser un axente activo no cumprimento da axenda 2030, pero tamén a un compromiso de futuro: seguir tecendo alianzas estratéxicas con empresas, universidades e administracións que compartan a visión dun mundo máis xusto, equitativo e sostible.
En Igaxes cremos que o cambio só é posible se se constrúe en conxunto. Por iso, abrímonos a colaborar con todas aquelas entidades que queiran aliñar os seus proxectos de responsabilidade social co impacto real dos ODS, xerando valor compartido e multiplicando o alcance destas accións.
¿Queres coñecer máis sobre o noso compromiso coa axenda 2030? Tes disponible aquí o noso informe. Tamén podes atopalo no apartado de Transparencia.
Cambia a súa vida
Únete a igaxes para cambiar a vida de miles de nenas, nenos e mozos.
Contigo podemos darlles a protección e a educación que necesitan. Xuntos faremos posible que sexan de maiores o que soñan ser.