tres chicas observan el mar desde un camino. Al fondo del camino se observa un faro rodeado de flores

Un faro para iluminar o rumbo cara unha vida independente

Na mocidade, é común contar con alguén que nos brinde orientación en momentos difíciles. Ben sexa unha nai, un curmán ou unha irmá, esa persoa actúa como un faro na costa, iluminando o noso camiño cara á adultez e brindándonos o apoio necesario para superar obstáculos. Con todo, non todos teñen a sorte de contar cun referente de confianza.

En particular, aquelas mozas e mozos que saen do sistema de protección que teñen que afrontar sós unha realidade que non coñecen. Sen unha figura adulta de confianza que os guíe na súa transición cara á vida adulta, moitas mozas e mozos poden experimentar inseguridade de cara o futuro.

É aquí onde o Programa Referentes xoga un papel fundamental. Esta iniciativa conecta a persoas mozas extuteladas con persoas adultas que poidan ser un faro no seu camiño cara á independencia e a madurez. Os e as referentes son adultas e adultos que actúan como mentores e guías, brindándolle a esta xuventude a compañía e o apoio que necesitan para superar calquera obstáculo que se lles presente.

Ao converterte en referente, podes ser esa luz que brille na costa, axudando a mozas e mozos a atopar o seu rumbo e a sentirse seguros na súa travesía cara á adultez. A túa presenza e o teu apoio poden marcar unha gran diferenza na súa vida. Crear unha comunidade de apoio e solidariedade que axude aos mozos para construír un futuro mellor é posible.

Faite referente!