Proxecto cofinanciado pola Union Europea e Erasmus plus + KA2
Estamos a lanzar un novo proxecto internacional: My Rural Mentor. Financiado polo programa Erasmus+ dentro da súa liña KA2, esta iniciativa busca alternativas que poidan ofrecer aos mozos e mozas a oportunidade de quedar nas zonas rurais e prosperar sen ter que renunciar ao seu entorno.
En contornas non urbanas, o envellecemento da poboación, a falta de servizos e a escaseza de recursos dificultan a posibilidade da mocidade de construír un proxecto de vida.
Para as mozas e mozos en risco de exclusión ou no sistema de protección, a situación é aínda máis complicada. Pódense sentir sós, inseguros sobre o seu futuro ou desconectados da súa comunidade. Moitos acaban viéndose obrigados a abandonar os seus pobos e trasladarse ás cidades. Aquí a súa integración social pode ser aínda máis complicada. Para facer fronte a estas dificultades, estamos moi ilusionados de lanzar My Rural Mentor.
Con este novo proxecto, desenvolvido en tres Estados membros da UE —Italia, Portugal e España—, buscamos ofrecer alternativas reais aos mozos que viven en zonas rurais. Queremos que poidan permanecer, prosperar e construír o seu futuro no seu propio entorno.
A orixe do proxecto
My Rural Mentor nace da experiencia e dos resultados positivos de dúas iniciativas de Igaxes: Mentor Rural e Referentes.
Rural Mentor foi creada para apoiar aos mozos que saen do sistema de protección e aos que están en risco de exclusión nas zonas rurais. O obxectivo é permitirlles formarse e atopar traballo no seu propio lugar de residencia. Por outra banda, Referentes é unha iniciativa de voluntariado que conecta aos mozos en coidado con adultos dispostos a apoialos, pasar tempo con eles e establecer lazos de confianza.
A través de My Rural Mentor, queremos trasladar esta mesma filosofía á Europa rural. Buscamos crear redes de apoio persoal e social que axuden aos mozos a desenvolver o seu potencial e construír un futuro no seu propio territorio.
Unha rede europea para o acompañamento
O consorcio do proxecto está coordinado por Igaxes e composto por outras cinco organizacións sociais e educativas: Rosto Solidário e Casa-Escola Agrícola Campo Verde (Portugal), Fondazione Comunitaria di Agrigento e Trapani e Cooperativa Terraferma (Italia) e Outonía S. Coop. Galega (Galicia).
My Rural Mentor crea e pon á proba novas formas de conectar e apoiar aos mozos e adultos nas zonas rurais de Rates (Póvoa de Varzim), Trapani (Sicilia) e Valdeorras (Galicia).
A través dun modelo de mentoría en tres niveis (mentoría un a un, en grupo e comunitaria), conectaremos aos mozos locais con adultos de confianza que poidan apoialos e motivalos. Reclutaremos e formaremos mentores locais. Con eles realizaremos sesións de mentoría, apoiaremos proxectos comunitarios liderados por mozos e organizaremos eventos que reúnan ás persoas.
Ao final, My Rural Mentor ofrecerá un modelo de mentoría rural replicable que calquera comunidade de Europa poderá usar. Este irá xunto cunha guía de boas prácticas e exemplos reais do proxecto.
O obxectivo é sinxelo: mellores relacións, comunidades máis fortes, futuros máis saudables.
Innovar para transformar o rural
Vivir no rural non debería significar ter menos oportunidades. Ao contrario, é un espazo cheo de potencial. A través desta iniciativa, o proxecto permitirá crear ferramentas e metodoloxías de mentoría adaptadas ao contexto rural. Ademáis, búscase fomentar a cooperación entre entidades europeas que traballan coa mocidade, promover novas formas de participación e aprendizaxe comunitaria, e dar visibilidade ao talento e á capacidade transformadora das persoas novas no rural.
My rural mentor tamén é unha oportunidade para reforzar alianzas internacionais e seguir innovando en modelos de inclusión social.
É unha aposta polo futuro da xuventude do rural. Queremos aportar a nosa propia experiencia, pero tamén aprender doutras realidades para compartir avances, resultados e boas prácticas.
Cambia a súa vida
Únete a igaxes para cambiar a vida de miles de nenas, nenos e mozos.
Contigo podemos darlles a protección e a educación que necesitan. Xuntos faremos posible que sexan de maiores o que soñan ser.