Para que nada poña en perigo
o seu dereito á educación.
“Tiven que ir a un instituto diferente. Tiña problemas cos novos compañeiros, e tamén na miña casa. Aquí encontrei o apoio que me faltaba. Volvín render nos estudos e déronme todo o que non encontraba noutro lugar.”
— Ángela, 18 anos
Escola da vida é o noso programa para impedir que as carencias materiais ou afectivas, a desprotección ou a inseguridade poñan en perigo a educación e o futuro de miles de escolares.
Actuamos dentro e fóra das aulas para garantir que aprenden en condicións de protección, saúde e benestar. Procurámoslles os espazos e o tempo axeitados para xogar e desenvolverse. E axudamos ás súas familias a construír un clima protector e a tomar parte activa na educación das súas fillas e fillos.
16500
alumnas e alumnos atendidos desde 2010
32
centros de ensino nos que xa actuamos
216
adolescentes especialmente vulnerables recibiron apoio continuado en 2019
Estamos…
Con cada alumno/a
que necesite atención continuada en caso de desprotección, conflito familiar ou acoso escolar.
Coas familias
que precisen axuda para recuperar un clima positivo e alentador para os seus fillos e fillas.
Cos centros de ensino
para actuar conxuntamente a prol da convivencia e previr o abandono escolar prematuro.
Co profesorado
ofrecéndolle apoio emocional online en situacións de dificultade como as vividas durante o confinamento.
Cambia a súa vida
Únete a igaxes para cambiar a vida de miles de nenas, nenos e mozos.
Contigo podemos darlles a protección e a educación que necesitan. Xuntos faremos posible que sexan de maiores o que soñan ser.