Faite voluntario/a

Faite voluntario/a de Igaxes3

En Igaxes3 buscamos persoas voluntarias que queiran sumarse ao noso movemento a prol da xuventude en situación vulnerable. A túa acción solidaria pode marcar a diferenza nas vidas de moitas rapazas e rapaces. 

Estas son as nosas áreas de voluntariado. Consulta a nosa oferta actual e escolle a que mellor se adapte ao teu perfil.

 

→ Área escolar

O alumnado máis desfavorecido ten un risco de fracaso escolar dez veces maior. Para un adolescente en situación vulnerable, a continuidade escolar é esencial para un futuro lonxe da exclusión. Por iso buscamos persoas dispostas a ofrecer un apoio escolar personalizado para adolescentes, mozas e mozos con risco de abandono.

> OFERTA ACTUAL: Reforzo escolar. Buscamos persoas voluntarias para ofrecer apoio educativo en distintas materias a rapazas e rapaces de entre 12 e 16 anos con risco de abandono escolar, nas cidades da Coruña, Lugo, Ourense, Pontevedra, Santiago e Vigo. Se tes experiencia como docente ou impartindo clases particulares, únete ao noso voluntariado escolar.

> OFERTA ACTUAL: Acompañamento educativo. Se tes formación específica en áreas sociais ou educativas podes darlle o teu apoio a nenos, nenas e mozos con dificultades especiais e ás súas familias, na cidade de Santiago.

 

→ Área de mentoría: O proxecto referentes

Todas as persoas temos un referente. Alguén que nos guiou, que nos acompañou nos momentos difíciles e soubo darnos o consello que orientou as nosas vidas. O habitual é que esa persoa sexa algún membro da nosa familia, pero moitos mozos e mozas sen apoio familiar carecen desa figura. Ti podes ser o referente dun deles.

> OFERTA ACTUAL: Buscamos referentes nas cidades de Ourense, Santiago Pontevedra. Se vives nalgunha destas cidades, tes máis de 25 anos e non tes relación profesional ou formativa coas áreas sociais, podes converterte en referente dun mozo ou moza sen apoio familiar.

 

→ Área de COMUNIDADe

Moitas mozas e mozos en situación vulnerable necesitan contar con outras persoas con quen compartir momentos ou actividades. Sentírense acompañadas ou formando parte dun grupo é esencial para evitar o sentimento de soidade ou de afastamento. Ti podes axudarlles a tecer a súa propia comunidade de apoio.

> OFERTA ACTUAL: Tanto de forma individual como se pertences a unha asociación ou colectivo, podes ofrecerlles a túa compañía puntual ou periódica. Participa ou colabora connosco na organización de actividades lúdicas, deportivas, culturais ou de tempo libre en xeral (aplicable en todo o territorio galego).

 

• • • • • • • • • • • • • •

Dinos cal é a túa opción e axiña contactaremos contigo.


Acepto a política de privacidade

Share on FacebookShare on Google+Tweet about this on Twitter