Recortes de Prensa
- O Programa Incorpora de Obra Social “laCaixa”, que desenvolve no noso territorio o grupo Incorpora Galicia baixo coordinación de Igaxes3, vén de sumar novos apoios en Ferrol e comarcas limítrofes. Grazas ao convenio subscrito pola Asociación de Empresas de Limpeza de Edificios e Locais de Ferrol, Eume e Ortegal, crearanse novas oportunidades de emprego para mozos e mozas en situación vulnerable. O Diario de Ferrol recolleu a noticia na súa edición do 15 de maio de 2013. Ler aquí
- Na súa edición do 10 de maio de 2013, El Correo Gallego informa de que o Concello de Santiago, a través da súa Concellería de Xuventude e Normalización Lingüística, promove un proxecto para fomentar o voluntariado entre o tecido asociativo compostelán e, en especial, entre os mozos e mozas en situación vulnerable. A participación de Igaxes3 permitirá que algúns dos nosos rapaces sen apoio familiar poidan desempeñar actividades de voluntariado ambiental en distintos espazos da cidade. Ler aquí
- O Programa Incorpora é unha iniciativa de Obra Social “laCaixa” destinada a favorecer a incorporación ao mundo do traballo daquelas persoas que, por estaren en situación vulnerable, téñeno un pouco más complicado. En Galicia, o Grupo Incorpora está composto por cinco entidades de acción social: Fundación Érguete Integración, FEAFES, APES e COGAMI, ademais de Igaxes3, que é a entidade coordinadora. O director de Igaxes3, Carlos Rosón, falou para a edición do 23 de abril do espazo Convivir en igualdade da Radio Galega. Escoitar aquí
- O programa Reporteiros de Televisión de Galicia emitía o 2 de marzo de 2013 a reportaxe titulada “Vivir nos centros de menores”, amplo documento arredor do sistema público de protección e reforma de menores en Galicia. Boa parte do segmento dedicado aos mozos e mozas sen apoio familiar -e, xa que logo, amparados polo sistema de protección- conta coas voces de varios participantes e traballadores do Programa Mentor de apoio á independencia, que en Igaxes3 desenvolvemos dende 2005. Ver aquí
- O equipo de Hoxe Por Ti -o programa de temática social de Popular TV- visitounos na Coruña en febreiro de 2013 para interesarse polo proxecto referentes. Alí coñeceron a Jessi e Irene e, desa experiencia, resultou un vídeo que resume perfectamente o que o proxecto ten de ser. Nel as nosas participantes falan de como se coñeceron, de como foi desenvolvéndose a súa relación e, en definitiva, de todo aquilo que as une a día de hoxe. Ver aquí
- O diario La Opinión de A Coruña publicaba o 16 de febreiro de 2013 esta reportaxe sobre Mentor, o programa integral de apoio á autonomía que desenvolvemos en Galicia dende 2005. O texto asinado por María de la Huerta contén declaracións de dous mozos residentes nun dos nosos Recursos de Apoio á Inserción, e tamén dunha moza ex tutelada que hoxe vive de forma totalmente independente. Consultar en liña
- Quique e Malena viven en Vigo. Coñecéronse hai apenas un ano e foron os primeiros participantes do proxecto Referentes. O que naceu no seu día como unha iniciativa de voluntariado converteuse, en poucos meses, nunha relación de amistade sincera e perdurable. V Televisión elaborou con eles unha reportaxe para o seu Informativo Fin de semana do 13 de xaneiro de 2013. A peza pode verse aquí.
- A edición do 28 de decembro de España Directo (RNE) xirou arredor dunha pregunta lanzada á audiencia: “Quen foi o teu referente na vida?”. Nós fomos convidados para falar no estudio do proxecto Referentes, e fixémolo contando coas voces e as experiencias de Jessica e Irene, dúas das nosas participantes máis recentes. A conversa pódese escoitar integramente na web do programa.
- O 26 de decembro de 2012, La Voz de Galicia publicaba a reportaxe así titulada sobre Referentes, o noso proxecto de voluntariado destinado a atopar persoas que queiran converterse nunha figura adulta de referencia para un mozo ou moza tutelado. O texto pode consultarse en liña ou en pdf.
- Ademais, nos días posteriores tivemos oportunidade de explicar o proxecto en Crónica de Galicia de RNE (a partir do minuto 12:30) e en Convivir en Igualdade da Radio Galega (a partir do minuto 04:16)
- Grazas a este proxecto de voluntariado corporativo, empresarios e empresarias de Galicia convértense en mentores de rapaces tutelados rapaces en todo o relacionado co mundo do traballo e a cultura da empresa. Os mozos, á súa vez, familiarízanse co contorno laboral e ven medrar a súa motivación con vistas á súa escolla profesional. O equipo de Convivir en Igualdade (Radio Galega) convidounos a explicalo no seu programa do 26 de xuño de 2012. Escoitar aquí (desde o minuto 04:03)
- Ademais, con motivo das primeiras visitas realizadas ás instalacións de dúas empresas asociadas á Asociación Empresarial de Valdeorras, o xornal La Región fixo mención do proxecto na súa edición do 20 de decembro de 2012. O texto pode consultarse en liña ou en pdf.
