Santiago, 23 de maio de 2013 – A segunda promoción do Máster que coorganizan a USC, Fundación Trébol e Igaxes3 recibiu onte os seus diplomas de especialista no acto de clausura celebrado no Paraninfo da Facultade de Xeografía e Historia. Oito alumnas e alumnos incorpóranse agora como educadores de Igaxes3 nas súas vivendas tuteladas do Programa Mentor. (more…)
Ferrol, 14 de maio de 2013 – Mozos e mozas sen apoio familiar da zona de Ferrolterra poderán acceder a novas oportunidades de emprego grazas ao convenio asinado esta mañá en Ferrol. A Asociación de Empresarios de Limpeza de Edificios e Locais de Ferrol, Eume e Ortegal; e mais Igaxes3, en representación do grupo Incorpora Galicia, pecharon o convenio Incorpora que promove Obra Social “la Caixa” para favorecer a contratación de persoas con dificultades de acceso ao traballo. (more…)
Vigo, 24 de abril de 2013 - A fotografía tamén pode ser un vehículo para a inclusión social: tal é a premisa da que parte o curso fotográfico no que están a participar oito mozos e mozas sen apoio familiar grazas á colaboración entre Agareso e Igaxes3. A iniciativa está a desenvolverse dende marzo e durante tres meses en Vigo. (more…)
Santiago, 16 de abril de 2013 - Grazas á solidariedade das persoas contribuíntes que marcaron Fins Sociais na súa declaración da Renda, este 2013 case seis millóns de persoas en risco de exclusión social beneficiaranse dos programas financiados polo IRPF. Durante este ano poranse en marcha 1.103 proxectos sociais desenvolvidos por 425 ONG de Acción Social, ademais de centos de proxectos en países de África, América Latina e Asia realizados por ONG para o Desenvolvemento. (more…)
Santiago de Compostela, 10 de abril de 2013 - Durante o noso segundo encontro de traballo internacional, celebrado a pasada fin de semana na sede de Igaxes3 en Santiago, as cinco entidades participantes definimos o formato e contidos das nosas “vacinas sociais”. Pero, que son estas vacinas, exactamente? (more…)
14 de marzo de 2013 - Un referente é “alguén a quen lle podes contar as túas cousas, que che apoia nos bos momentos e nos malos, que sempre está xunto a ti”. A definición non é nosa, senón de Jessi, unha das nosas mozas participantes. Irene, xornalista de 27 anos, é a súa referente dende hai apenas tres meses. Non é moito tempo, pero cando hai conexión, mesmo un único día dá para moito. (more…)
Santiago, 14 de febreiro de 2013 - Cando nos enfrontamos a algo por primeira vez, a axuda máis valiosa que podemos recibir é o consello dunha persoa que xa tivo esa mesma experiencia. Durante a nosa infancia e adolescencia, a maioría das persoas encontramos ese apoio no noso pai e na nosa nai, se cadra nun irmán maior ou mesmo nalgún familiar próximo. Ese apoio permanente por parte dun adulto querido é unha das nosas fontes principais de confianza. (more…)
Santiago, 3 de xaneiro de 2013 - Durante a infancia, todas as persoas recibimos un programa de vacinas para previr distintas enfermidades e vivir con boa saúde de forma estable e duradeira. O proxecto internacional Vacinas Sociais propón unha aproximación similar no traballo a carón das persoas en situación vulnerable. Os días 8 e 9 de xaneiro, un equipo de Igaxes3 estará en Hemel Hempstead (Reino Unido) para o primeiro encontro de traballo coas outras catro entidades europeas participantes. (more…)
04 de decembro de 2012 - Hai poucos días publicábase na prensa unha reportaxe titulada “Hacerse mayor en un centro de menores“, unha aproximación en positivo á realidade dos mozos e mozas tutelados. O texto merece unha lectura. Todas as persoas que formamos referentes –tanto voluntarios coma profesionais- sabémolo moi ben, pero moita xente da rúa ignora que estes rapaces non só aspiran a lograr unha vida normalizada -coma a de calquera mozo ou moza da súa idade-, senón que, na maioría dos casos, conségueno. (more…)
Santiago, 8 de novembro de 2012 - Este curso desenvolvemos, por cuarto ano consecutivo, o noso proxecto destinado á prevención do abandono escolar entre mozos e mozas de 12 a 16 anos. Desde os centros de ensino público de Santiago, o equipo do programa Aleida traballa para a resolución de conflitos, a mediación intercultural e a prevención do absentismo. Sobre todo isto conversamos con Ana Martínez, coordinadora do programa. (more…)
